Филипче: Власта испраќа опасна порака – секој што ќе пријави криминал е изложен на лична опасност

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: Власта испраќа опасна порака – секој што ќе пријави криминал е изложен на лична опасност

12 јули 2025

• од Станча Јаќимовски

Претседателот на Социјалдемократскиот сојуз на Македонија (СДСМ), Венко Филипче, жестоко реагираше по бруталниот напад врз градоначалничката на Скопје и службеници од Градот. Во својата јавна реакција, Филипче побара итно расветлување на инцидентот и одговорност за насилниците и надлежните институции кои, според него, не постапиле соодветно.

„Барам итно да се осудат насилниците и да се поведе постапка против службениците на МВР кои не ги заштитиле претставниците на Градот“, порача Филипче преку својот фејсбук профил, потенцирајќи дека шест часа по нападот нема никаква реакција од страна на ВМРО-ДПМНЕ и нивниот лидер Христијан Мицкоски.

Филипче ја оцени ситуацијата како крајно загрижувачка и предупреди дека инцидентот не е само физички напад, туку и политичка порака – дека секој кој ќе се обиде да пријави криминал поврзан со власта, ќе се соочи со опасност по личната безбедност.

„Пораката што ја испраќа власта е јасна – секој кој ќе го обелодени нивниот криминал, ќе биде заплашен или нападнат. Ова е страшно и недозволиво“, истакна лидерот на СДСМ.

Според него, безбедносната состојба во државата драматично се влошила во изминатата година, а институциите веќе не обезбедуваат ни основна заштита на граѓаните.

„Безбедноста, правдата и институционалната заштита практично не постојат. Тоа треба сериозно да нè загрижи сите“, заклучи Филипче во своето јавно обраќање.