Филипче: Сомнителен капитал одбиен во ЕУ, прифатен во Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: Сомнителен капитал одбиен во ЕУ, прифатен во Македонија

25 декември 2025

• од Станча Јаќимовски

Претседателот на Социјалдемократскиот сојуз на Македонија и пратеник, д-р Венко Филипче, на денешната собраниска седница посветена на пратенички прашања, упати сериозни обвинувања до Владата во врска со аферата со Алта банка, оценувајќи дека наместо одговори и транспарентност, власта применува тактики на дефокусирање и замолчување на критиките од опозицијата.

Во прашањето упатено до премиерот Христијан Мицкоски, Филипче посочи на, како што рече, јасните и блиски релации на актуелната власт со Србија и со Српската напредна странка, потенцирајќи дека тие односи се одразуваат и во политичкиот и во јавниот настап на Владата.

„Јасни се релациите со Србија, јасни се релациите со вашата сестринска партија, со СНС, ама со Вучиќ како да сте браќа – така се однесувате во последно време, таков ПР имате“, изјави Филипче од собраниската говорница.

Тој потсети дека токму СДСМ ја открила аферата со Алта банка и нагласи дека станува збор за случај со сериозни последици по финансискиот систем и институционалниот интегритет на државата.

„Да не ја откриевме ние аферата со банката, која се обидела да влезе и да вложи капитал во Европската Унија, но била одбиена затоа што капиталот бил оценет како сомнителен, вие тука ѝ ги отворивте ширум вратите“, рече Филипче.

Дополнителен сомнеж, според него, отвора и информацијата дека поранешен член на извршниот одбор на ВМРО-ДПМНЕ требало да биде дел од бордот на директори на Алта банка, што, како што оцени, укажува на потенцијален судир на интереси и политичко влијание во финансискиот сектор.

Филипче се осврна и на податоците за доделување јавни набавки, посочувајќи дека значителен број тендери завршиле кај лица и компании блиски до власта.

„161 тендер во вредност од 5,3 милиони евра не е случајност, туку јасен показател за начинот на кој се води државата“, нагласи тој.

На крајот, Филипче порача дека граѓаните заслужуваат целосна вистина, отчетност и одговорност од институциите, а не притисоци, закани и обиди за замолчување на оние што укажуваат на сомнителни релации и можна злоупотреба на јавните ресурси.