Филипче слави: СДСМ победува во три, води во девет општини!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче слави: СДСМ победува во три, води во девет општини!

20 октомври 2025

• од Станча Јаќимовски

Лидерот на СДСМ, Венко Филипче, на прес-конференција објави дека партијата остварила победа во три општини – Крива Паланка, Кривогаштани и Богданци, додека во девет други општини СДСМ има водство според првичните резултати.

Меѓу општините во кои СДСМ моментално води, Филипче ги спомна Центар, Пробиштип, Чешиново-Облешево, Чучер Сандево, Валандово, Лозово и Ранковци.

Во однос на Град Скопје и изборот на градоначалник, тој изјави дека ќе се почекаат конечните резултати за да се даде прецизна изјава.

Филипче: „Пораката на СДСМ стигна до граѓаните“

Филипче нагласи дека резултатите не се изненадување, бидејќи партијата сè уште е во процес на консолидација, но дека се забележува позитивен тренд и зголемен број на гласови во одредени општини.

„Нашата порака беше препознаена од граѓаните. Има повеќе места каде што поддршката за СДСМ е зголемена, што покажува дека сме на вистинскиот пат“, истакна тој.

„Резултатите се добри со оглед на околностите“

Филипче додаде дека, имајќи ги предвид околностите под кои се одвиваа изборите, резултатот на СДСМ не е лош и претставува добра основа за понатамошно зајакнување на партијата.

Тој посочи дека во неколку општини исходот сè уште не е јасен и дека се чекаат конечните резултати од избирачките места.