Филипче: Политичките навреди кон Бугарија носат дипломатски последици

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: Политичките навреди кон Бугарија носат дипломатски последици

02 февруари 2026

• од Станча Јаќимовски

Претседателот на СДСМ, Венко Филипче, во интервју за Радио Слободна Европа остро ја критикуваше актуелната власт, обвинувајќи ја дека свесно ги нарушува односите со соседните држави и ја турка земјата кон меѓународна изолација.

Според Филипче, државата во моментов се наоѓа „на маргините на Европа“, без конкретен напредок кон членството во Европска Унија и без вистински реформски процеси.

„Зарем не Ви е доволно што сме целосно изолирани и не се прави никаков чекор напред кон Европската Унија? Оваа влада има антиевропски манири во практикувањето на власта“, изјави Филипче.

Тој посочи дека наместо унапредување на добрососедските односи, владата влегува во конфликти и реторички пресметки со политичари од соседството, што, според него, резултира со дипломатски тензии, вклучително и протестна нота од Грција по изјави на премиерот поврзани со уставното име на државата, како и навреди кон политичари во Бугарија.

„Тоа не е во духот на добрососедските односи. Намерно се влошуваат односите со соседите, наместо да се работи на практични решенија кои им се потребни на граѓаните“, рече Филипче.

Во однос на реформите во правосудството, лидерот на СДСМ оцени дека владата само декларативно зборува за реформи, без суштинска имплементација. Тој нагласи дека не се спроведени препораките од оценската мисија во Законот за Судскиот совет и дека власта создава привид дека работи на реформи.

„Се знае што е на масата. Има конкретен предлог, а оваа влада мора да престане да ги лаже граѓаните. Ветуваа измена на преговарачката рамка, што не е возможно да се случи. Ги плашат граѓаните со наводни ризици по националниот идентитет во рамки на преговорите, што не е точно“, истакна Филипче.

Тој додаде дека, наместо политичка реторика, потребно е да се спроведат уставните измени и да се отворат преговарачките поглавја со Европската Унија, со што, како што вели, ќе започнат вистинските реформи.

„Треба да се направат уставните измени и да се отворат поглавјата, затоа што сѐ друго значи целосно маргинализирање на државата. Во овој момент, ние сме на маргините на Европа“, заклучи Филипче.