Филипче по средбата со Вајц: Евроинтеграциите се во застој, реформите се блокирани

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче по средбата со Вајц: Евроинтеграциите се во застој, реформите се блокирани

05 февруари 2026

• од Гоце Кически

Венко Филипче, оствари средба со постојаниот известувач на Европски парламент за земјава, Томас Вајц, на која, според објавата на Филипче на социјалните мрежи, се разговарало за актуелната политичка состојба и текот на евроинтеграцискиот процес на Северна Македонија.

Филипче изразил благодарност за, како што наведе, личниот ангажман на Вајц во следењето на процесите поврзани со земјата, како и за континуираната поддршка од Европската унија и Европскиот парламент за европската перспектива на државата.

Во објавата, лидерот на СДСМ оценува дека моменталниот статус на евроинтеграцискиот процес е „сериозно загрижувачки“, посочувајќи дека реформската агенда е закочена и дека институциите не испорачуваат реформи во клучните области. Според него, актуелната власт не покажува доволна политичка волја за продолжување на европскиот пат.

„Европската интеграција за Македонија значи процес што го зајакнува владеењето на правото, гради функционални институции и обезбедува подобар живот за граѓаните. Наместо напредок, сведоци сме на стагнација, блокирани реформи и политики кои ја оддалечуваат државата од европските стандарди“, наведува Филипче.

Тој додава дека државата заслужува напредок и дека изолацијата и губењето време не се опција, потенцирајќи дека СДСМ останува цврсто посветена на европските вредности и реформскиот процес.

„Нашата иднина е во Европската Унија – тоа е клучот за подобра, праведна и просперитетна држава и подобра иднина за сите граѓани“, стои во пораката на Филипче по средбата со Вајц.