Филипче: ДПМНЕ живее во балон и не ја гледа реалноста, граѓаните се незадоволни

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: ДПМНЕ живее во балон и не ја гледа реалноста, граѓаните се незадоволни

16 јули 2025

• од Гоце Кически

Претседателот на СДСМ, Венко Филипче, синоќа во интервју за Канал 5 остро ја критикуваше владата на ВМРО-ДПМНЕ, посочувајќи на растечкото незадоволство меѓу граѓаните и падот на популарноста на владејачката партија.

„Кога ВМРО-ДПМНЕ паѓа со гласови, тоа анкетите не го покажуваат. Има сериозни тенденции на пад на популарноста на владата, незадоволство од тоа како се управува со државата,“ изјави Филипче, додавајќи дека граѓаните се сè повеќе разочарани од насоката во која оди земјата.

Тој нагласи дека јавноста веќе сведочела на бројни корупциски скандали, но дека уште поалармантно е секојдневното влошување на животниот стандард. „Факт е дека државата стагнира на секое поле. Цените се во плафон, квалитетот на животот паѓа – тоа не може да се игнорира,“ рече Филипче.

Според него, ВМРО-ДПМНЕ прави сериозна грешка доколку мисли дека народното незадоволство е невидливо. „Сметам дека многу греши владата и дека живее во некој балон, ако не ги гледа тие тенденции, тоа незадоволство од граѓаните,“ додаде тој.

Во однос на претстојните избори, лидерот на СДСМ најави фокус на промоција на квалитетни и кредибилни кандидати. „Не би шпекулирал со бројки, но ние даваме сè од себе да им понудиме на граѓаните луѓе кои ќе бидат чесни, транспарентни и кои навистина ќе ги исполнат своите ветувања,“ изјави Филипче.

Тој заклучи дека довербата на граѓаните ќе биде стекната преку искреност и посветеност: „Ова е нашата цел и верувам дека граѓаните тоа ќе го препознаат.“