Филипче: Дали Мицкоски чека луѓето да нема што да јадат за конечно да преземе мерки?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: Дали Мицкоски чека луѓето да нема што да јадат за конечно да преземе мерки?

01 април 2026

• од Станча Јаќимовски

Претседателот на СДСМ, Венко Филипче, на денешниот брифинг со новинари остро ја критикуваше економската политика на владата, посочувајќи дека растот на цените на храната секојдневно го влошува животниот стандард на граѓаните, додека премиерот Христијан Мицкоски не презема конкретни мерки.

Филипче истакна дека наместо да понуди решенија за справување со скапотијата, премиерот се фокусира на политички напади и дефокус од реалните проблеми со кои се соочуваат граѓаните.

„Повторно го слушнавме премиерот како вели дека нема потреба да се преземат мерки за намалување на цените на храната. Што треба да чекаат граѓаните? Да немаат што да јадат? Така ли владата ја следи ситуацијата? Зошто премиерот упорно инсистира да ги држи граѓаните во сиромаштија?“, праша Филипче.

Тој нагласи дека поскапувањето на основните прехранбени производи е веќе сериозен удар врз семејните буџети, особено во услови кога владата одбива значајно зголемување на минималната плата.

„Очигледно е дека премиерот не пазари секојдневно. Предупредувавме дека растот на цените на нафтата ќе предизвика ланец на поскапувања. Денес имаме реалност каде што лебот од 33 до 45 денари се искачи на 35 до 55 денари. Млекото од 78 на 85 денари, јајцата од 110–130 на 130–180 денари, а зејтинот од 90–100 на 100–120 денари. Најдрастично е поскапувањето кај овошјето и зеленчукот – и до 300%“, рече Филипче.

Во однос на платите, Филипче оцени дека минималното зголемување е симболично и без реален ефект.

„Во оваа скапотија, зголемување од 1.667 денари нема никаква вредност. Само во последните три месеци, потрошувачката кошничка е зголемена за 2.500 денари. Со тие пари денес може да се купат едвај неколку основни производи – неколку килограми зеленчук, јајца и неколку литри гориво“, потенцираше тој.

Филипче порача дека владата мора итно да преземе конкретни економски мерки за заштита на стандардот на граѓаните. Тој ги повтори предлозите на СДСМ: воведување нула проценти ДДВ за основните прехранбени производи, намалување на акцизата на горивата за 4 денари и преполовување на патарините.

„Ова се мерки што ќе дадат реален ефект и веднаш ќе го олеснат товарот врз граѓаните. Владата мора да престане со игнорирање на кризата и да почне да работи во интерес на народот“, заклучи Филипче.