Филипче: Да се обезбедат медицински прегледи и психолошка поддршка за засегнатите од пожарот во Трубарево

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: Да се обезбедат медицински прегледи и психолошка поддршка за засегнатите од пожарот во Трубарево

14 септември 2025

• од Станча Јаќимовски

Состојбата по големиот пожар што вчера избувна во скопското село Трубарево е сериозна и бара итна, координирана реакција од институциите, порача лидерот на СДСМ, д-р Венко Филипче.

Тој преку објава на социјалните мрежи нагласи дека граѓаните имаат право да знаат што дишат и со што се трујат, како и дека државата мора да ги заштити. „Тоа е основно човеково право, а должност на институциите е да го обезбедат“, истакна Филипче.

Конкретни мерки

Филипче повика на преземање на неколку итни чекори за справување со последиците:

Медицински прегледи – за сите жители во и околу Трубарево, особено за оние кои биле директно изложени на чадот и токсичните гасови.
Лабораториски анализи – на воздухот, почвата и водата, со фокус на диоксини, тешки метали и HF остатоци, а резултатите да бидат транспарентно објавени.
Психолошка поддршка – за жителите, пожарникарите и сите кои биле присутни на лице место, со цел да не останат сами со траумата.

Поголема заштитна зона и јавни протоколи

Лидерот на СДСМ оцени дека зоната од 400 метри околу местото на пожарот е недоволна и апелираше за воспоставување заштитна зона од 500 до 2.000 метри. Во неа, според него, треба да има јасни протоколи:

затворање на училишта ако е потребно,
дистрибуција на заштитни маски,
ограничување на движењето,
активирање на систем за јавно предупредување преку СМС-пораки и локални медиуми.

Следење на загадувањето

Филипче побара и поставување мобилни мерни станици за следење на загадувањето во реално време, особено во правците на ветерот. Дополнително, предложи долгорочно следење на квалитетот на почвата и водата, како и издавање препораки до граѓаните – дали смеат да користат земјоделски производи, дали е потребна дезинфекција на јавни површини и какви мерки можат сами да преземат.

Потребна е истрага и одговорност

„За крај, потребна е целосна истрага за тоа што се случи, зошто немало контрола, каде затаиле протоколите и кој ќе понесе одговорност,“ порача Филипче, додавајќи дека граѓаните очекуваат одговори и решенија, а не конфузни изјави и политички спинови.