Европратеникот Ковачев од ЕП: Репресијата врз Бугарите во С. Македонија мора да престане

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Европратеникот Ковачев од ЕП: Репресијата врз Бугарите во С. Македонија мора да престане

09 јули 2025

• од Станча Јаќимовски

Во емотивно обраќање пред Европскиот парламент, бугарскиот европратеник Андреј Ковачев, член на партијата ГЕРБ и Европската народна партија (ЕНП), упати остри критики кон македонските власти, повикувајќи ги да се откажат од популистички и националистички политики кои, како што истакна, ја оддалечуваат Република Северна Македонија од нејзиното заслужено место во Европската Унија.

Ковачев нагласи дека граѓаните на Северна Македонија веќе над дваесет години се надеваат на европска иднина, но политичарите во Скопје, според него, го саботираат овој процес. Тој беше дециден дека одолговлекувањето и внатрешните политички игри се на штета на самите граѓани.

„Измачените граѓани на Република Северна Македонија ја чекаат својата заслужена европска иднина веќе повеќе од две децении, но политичарите во Скопје очигледно не брзаат и систематски го саботираат овој процес,“ рече Ковачев.

Особено остро реагираше на кампањата што, како што рече, ја прикажува Бугарија како главен виновник за застојот во евроинтеграциите. Тој предупреди дека таквата реторика води до поттикнување на репресии врз граѓаните со бугарско самосознание во Северна Македонија. Како пример, го наведе случајот со Љупчо Георгиевски – еден од најистакнатите претставници на бугарската заедница, кој, според него, се соочува со сериозни притисоци, дискриминација и закани.

„Европската Унија не може да ги затвора очите пред ова. Мора да престане кршењето на правата на сопствените граѓани поради нивната етничка припадност,“ рече Ковачев, потенцирајќи дека историјата не треба да биде основа за судски прогони, туку мост за разбирање и помирување.

Во врска со македонските барања за гаранции дека нема да има дополнителни услови во преговарачкиот процес, Ковачев потсети на веќе постоечките документи и заложби:

„Најголема гаранција се заклучоците на Советот од 2022 година и преговарачката рамка,“ изјави тој.

Во завршницата од своето обраќање, Ковачев упати јасен апел до македонските политички лидери да го започнат преговарачкиот процес со ЕУ без понатамошно одлагање:

„Не го губете повеќе време на вашите граѓани и почнете го преговарачкиот процес. Ние ќе ве поддржиме и топло ќе ве пречекаме во Европската Унија,“ нагласи тој.

Говорот заврши со симболични зборови, повикувајќи на надеж и напредок:

„Нека, што поскоро, да изгреe зората на слободата и на европската иднина на Македонија!“ – порача Ковачев, повикувајќи на заеднички напори за мир, разбирање и европска интеграција.