Европратеник: Политичарите во Скопје имаат бугарски пасоши, но не сакаат Бугари во Уставот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Европратеник: Политичарите во Скопје имаат бугарски пасоши, но не сакаат Бугари во Уставот

24 октомври 2025

• од Станча Јаќимовски

Бугарскиот европратеник од партијата ГЕРБ, Андреј Ковачев, повторно се огласи со коментар за состојбите во Северна Македонија, тврдејќи дека голем број македонски граѓани веќе практично се дел од Европската унија преку поседување бугарско државјанство.

„Половина од нивните семејства имаат бугарски пасоши“

Во својата објава на Фејсбук, Ковачев изјави дека македонските политичари не сакаат ни да слушнат за внесувањето на Бугарите во Уставот, иако, како што вели, „половина од нивните семејства, заедно со браќа, сестри, зетови и бајенаци, веќе имаат бугарски пасоши“.

Тој нагласува дека ова државјанство е стекнато врз основа на докажано бугарско потекло и декларација за бугарска самосвест, во која апликантите изјавиле дека и нивните родители и блиски имаат бугарски корени. „А денес, тие истите – братот или сестрата – се министри, заменици или во брак со премиери“, додава Ковачев, оценувајќи дека ситуацијата изгледа „малку шизофренично“.

Контрадикции во односот кон историјата

Ковачев ги обвинува македонските политички елити за дволичен однос кон историјата, посочувајќи дека, од една страна, тие се повикуваат на историски личности како Гоце Делчев, Даме Груев, Сандански, Браќа Миладинови и Григора Пуличев – луѓе кои се идентификувале како Бугари.

„Од друга страна“, пишува тој, „не забораваат да им оддадат почит и на своите српски и југословенски окупатори – Тито, Темпо и Колишевски“, при што, според него, често го навредуваат источниот сосед со етикети како „татар“ или „фашистички окупатор“, додека во џебот носат бугарски пасош.

„Македонците веќе се во ЕУ“

Во заклучокот од својата објава, европратеникот наведува дека на многумина во Северна Македонија не им е толку важно кога земјата формално ќе стане членка на Европската унија, бидејќи „тие веќе се внатре“.

„Заедно со уште 216.000 македонски граѓани кои добиле бугарско државјанство врз основа на бугарско потекло и бугарско самоопределување, тие одамна се дел од ЕУ. Тажното е само за останатите – оние кои сè уште им веруваат“, напиша Ковачев.