ЕУ загрижена за владеењето на правото во Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ЕУ загрижена за владеењето на правото во Македонија

17 септември 2025

• од Станча Јаќимовски

Европската Унија (ЕУ) изрази загриженост за владеењето на правото во земјите-кандидатки од Западен Балкан, и покрај тоа што е забележан одреден напредок. Ова го изјави европската комесарка за проширување, Марта Кос, на 16 септември, по одржаната конференција на Советот за општи работи на ЕУ.

Главни предизвици: мешање и притисоци

„Продолжува мешањето во судските постапки, притисокот врз службените лица кои истражуваат корупција и политизацијата на медиумските регулаторни тела, што е неприфатливо“, истакна Кос, нагласувајќи дека без силно владеење на правото нема услови за вистински напредок кон членство во Унијата.

Таа потсети дека ЕУ почива на независно судство, фер избори и слободни медиуми, и дека земјите кои не можат да го гарантираат ова ниво на стандарди нема да можат да станат членки.

Данска и приоритетите на ЕУ

Советот моментално го предводи Данска, чија министерка за европски прашања, Мари Бјер, нагласи дека владеењето на правото е најважна вредност на ЕУ. Таа посочи дека токму оваа тема е во центарот на дискусиите со земјите од регионот.

За време на состанокот, министрите разговараа за состојбата во земјите од Западен Балкан, повикувајќи се на извештајот на Европската комисија од јули годинава.

Македонскиот став: напредок, но и предизвици

На состанокот присуствуваа министрите за европски интеграции на Србија, Албанија, Црна Гора и Македонија.

Македонскиот министер за европски прашања, Орхан Муртезани, истакна дека извештајот за владеење на правото 2025 потврдува реален напредок во Северна Македонија. Сепак, тој додаде дека и понатаму постојат сериозни предизвици кои не смеат да бидат занемарени.

Проширувањето и иднината на регионот

Еврокомесарката Кос ја нагласи улогата на Западен Балкан во процесот на проширување, потенцирајќи дека владеењето на правото е гаранција за слобода и стабилност.

„Јасно е дека ако кандидатите не го почитуваат спроведувањето на владеењето на правото во своите земји, тие нема да можат да бидат членки на Унијата“, порача Кос.