ДУИ: Владата е одговорна за изолацијата на државата и дефокусот од европските интеграции

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ: Владата е одговорна за изолацијата на државата и дефокусот од европските интеграции

07 јули 2025

• од Станча Јаќимовски

ДУИ изрази длабока загриженост за насоката во која се движи новата влада, обвинувајќи ја за намерни обиди да го дефокусира јавниот дискурс од стратешките приоритети на државата, пред сè од европската интеграција.

ДУИ реагираше по изјавата на премиерот Христијан Мицкоски, кој јавно призна дека предлогот за данок за невенчани лица бил пласиран само како тема за отворање дебата, односно како алатка за одвраќање на вниманието од реалните и итни проблеми со кои се соочува земјата.

„Овој став на премиерот е алармантен, бидејќи потврдува дека оваа влада нема долгорочна визија за државата, туку дејствува со дневнополитички калкулации за да ги прикрие неуспесите и да ја оддалечи јавноста од вистината,“ наведуваат од ДУИ.

Партијата дополнително потсетува на последниот извештај на Европскиот парламент, каде што се констатира стагнација во процесот на европска интеграција, зголемено руско влијание и ширење на концептот на „српскиот свет“ во домашната политика, како и недостаток на демократски напредок.

ДУИ предупредува дека ваквите влијанија имаат цел да ја одржат Северна Македонија изолирана и далеку од ЕУ и западните вредности, а во тој контекст го посочуваат и, како што велат, систематското исклучување на Албанците од институциите, од носењето одлуки и од јавниот живот.

„Оваа влада, наместо да биде фактор на обединување, се спушта кон опасен план кој има за цел меѓуетничка поделеност, маргинализација на Албанците и ослабување на евроатлантската ориентација на државата,“ се вели во соопштението.

ДУИ најавува дека ќе продолжи да ги брани евроатлантските интереси на граѓаните и на државата, спротивставувајќи се на секој обид за изолација, дефокус или исклучување.