ДУИ: Само 1 Албанец во Националната опера и балет

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ: Само 1 Албанец во Националната опера и балет - за системска неправда

08 август 2025

• од Станча Јаќимовски

ДУИ изразува длабока загриженост и остро негодување поради дискриминаторскиот состав на вработени во Националната опера и балет (НОБ), каде од вкупно 47 вработени – 46 се Македонци, а само еден е Албанец.

„Ова е уште еден јасен показател дека исклучувањето на Албанците од јавните институции во Република Северна Македонија не е случајно, туку систематско и намерно“, стои во соопштението на партијата.

ДУИ нагласува дека институции како што е НОБ, кои треба да бидат симбол на еднакво претставување и културна соживот, денес го сведуваат присуството на Албанците на симболично ниво. Заедницата која сочинува околу 30% од населението, според партијата, е сведена на статус на „непожелни“.

„Оваа скандалозна бројка – 46 Македонци и само еден Албанец – не е само статистика. Тоа е политика на дискриминација, која им ги затвора вратите на Албанците во културата, уметноста, администрацијата и во сите државни простори“, посочуваат од ДУИ.

Партијата потсетува и на случајот од Министерството за одбрана, каде, од 74 нововработени во Армијата, само еден бил Албанец – и тоа, како што тврдат, внук на лидерот на партијата Алтернатива, Зеќирија Ибрахими – додека десетици квалификувани албански кандидати биле елиминирани под сомнителни околности.

„Дали ова е моделот на претставеност што го нуди актуелната Влада? Дали ова е резултатот на ветувањата за еднаквост и интеграција?“ – прашуваат од ДУИ.

ДУИ порачува дека нема да дозволи Албанците да бидат само украс во институциите, додека одлуките, функциите и вработувањата остануваат резервирани за други.

Партијата најавува дека ќе го крене гласот и ќе преземе институционални и политички чекори за да го спречи, како што го нарекуваат, „организираниот систем на неправда“ против Албанците во Северна Македонија.