ДУИ: Рускиот амбасадор и Стоилковиќ го одбележаа „окупирањето на Македонија“ со ВЛЕН

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ: Рускиот амбасадор и Стоилковиќ го одбележаа „окупирањето на Македонија“ со ВЛЕН

26 октомври 2025

• од Станча Јаќимовски

Демократската унија за интеграција (ДУИ) реагираше по повод заедничкото одбележување на годишнината од „Битката кај Куманово“ од 1912 година, на кое присуствувале рускиот амбасадор Сергеј Баздникин, заменик-претседателот на Владата задолжен за спроведување на Охридскиот договор, Иван Стоилковиќ, како и претставници на српските здруженија во земјата.

Според соопштението на ДУИ, овој настан претставува прослава на „окупацијата на Македонија“ и потсетување на убиството на илјадници Албанци и Македонци во 1912 година. „Сме сведоци на сè почести српски манифестации во Македонија, како и на изјави со термини како ‘Јужна Србија’, ‘Стара Србија’ и ‘Јужна бановина’, додека македонските власти не покажуваат никаква реакција, иако Србија ги нарекува Македонците ‘северномакедонци’“, се вели во реакцијата.

ДУИ обвинува дека коалицијата ВЛЕН ги заменува Албанците со Срби на раководни позиции во институциите, воведува српски банки во земјата и организира заеднички активности со претставници на Република Српска и Белград, како што се Милорад Додик и Александар Вучиќ. Во соопштението се наведува и дека со тоа се навредуваат претседателката на Косово Вјоса Османи и ветераните од Косово.

„Како во мај 2024, на претседателските и парламентарните избори, така и во октомври 2025, ВЛЕН повторно ја слави својата загуба. Историјата познава само еден сличен пример — Битката на Газиместан, каде српската страна, иако поразена во 1389 година, сè уште ја слави таа битка“, се наведува во реакцијата на ДУИ.

ДУИ го означува овој феномен како „синдром на Газиместан“ – поим кој, како што велат, до вчера бил својствен само за Србите, но од денес „станува препознатлив и за ВЛЕН, кој целосно е вплеткан во српскиот политички свет“, потврдено, според партијата, и од Европскиот парламент.