ДУИ реагира на Стоилковиќ: Отпуштањето на петмина албански вработени е арбитрарно и надвор од законските рокови

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ реагира на Стоилковиќ: Отпуштањето на петмина албански вработени е арбитрарно и надвор од законските рокови

25 март 2026

• од Станча Јаќимовски

Најновата одлука на министерот Стоилковиќ за отпуштање на петмина албански вработени во Министерството за односи меѓу заедниците отвора сериозни прашања за начинот на управување со јавните институции и почитувањето на владеењето на правото во државата, реагираат од Демократската унија за интеграција (ДУИ).

Според партијата, достапните информации укажуваат на спорен процес, како од процедурен, така и од материјален аспект.

ДУИ наведува дека дисциплинската постапка била спроведена надвор од законски предвидените рокови, што ја прави правно невалидна. Дополнително, одлуката била донесена без доволно докази и без јасно утврдена индивидуална одговорност. Од партијата посочуваат и на сериозни индиции дека аргументите и оправдувањата биле дополнително конструирани за веќе донесена одлука.

„Изречената мерка – прекин на работниот однос – е непропорционална во однос на наводите“, оценуваат од ДУИ.

Според нив, ваквите елементи укажуваат на опасен модел на одлучување. Кога министер носи одлуки без почитување на законските рокови, без цврсти докази и со сериозни последици за граѓаните, станува збор за арбитрарност.

Дополнителна чувствителност на случајот, велат од ДУИ, е фактот што станува збор за петмина албански вработени, што наметнува потреба од целосна транспарентност. Особено, нагласуваат тие, во институција чија основна мисија е унапредување на односите меѓу заедниците, секоја одлука мора да биде надвор од сомнеж за пристрасност.

ДУИ бара:

целосно објавување на сите процедури и одлуки што довеле до отпуштањата,
институционална истрага за почитувањето на законските процедури,
итно преиспитување на одлуките во согласност со законите и стандардите на јавната администрација.

„Институциите не смеат да функционираат врз селективни и правно неосновани одлуки. Секое отстапување од процедурите создава несигурност кај вработените и ја нарушува довербата на граѓаните“, велат од партијата.

Од таму додаваат дека овој случај треба да се третира како тест за сериозноста на институциите и нивната посветеност на принципите на еднаквост и законитост.