ДУИ: Недозволиво е во македонски учебници да се користи српска терминологија за Косово

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ: Недозволиво е во македонски учебници да се користи српска терминологија за Косово

10 декември 2025

• од Станча Јаќимовски

Демократската унија за интеграција (ДУИ) бара итно повлекување на учебникот по географија за седмо одделение, во кој во делот за Република Косово се користи терминот „Метохија“. Од партијата истакнуваат дека одговорноста за ваквиот пропуст паѓа директно врз државните институции — Министерството за образование и Националната комисија за учебници.

„ДУИ изразува длабока загриженост за тенденциозниот пристап и сериозните неточности што се наоѓаат во учебникот по географија за VII одделение, издаден од издавачката куќа ‘Тримакс’ – Скопје и одобрен од Националната комисија за учебници на 5 август 2025 година. Учебникот, кој е ставен во употреба во учебната 2025 година, содржи формулации што го извитоперуваат историскиот и политичкиот контекст на Косово“, стои во реакцијата на партијата.

ДУИ посочува дека делот во кој Косово е опишано како „се наоѓа на југозапад од Србија“ му доделува на Белград улога на референтна точка и ја игнорира независноста на Косово, која Северна Македонија официјално ја признава. Дополнително, употребата на терминот „Метохија“ за Рамниот Дукaгжин се оценува како сериозна научна и идентитетска девијација, која го следи српскиот историски наратив.

Како проблематично се наведува и формулацијата „Митровица на Косово“, која ја рефлектира терминологијата „Косовска Митровица“, а која, според ДУИ, не смее да се појави во институционално одобрен учебник.

Од партијата бараат учебникот веднаш да се повлече од употреба, неговата содржина да се ревидира и коригира согласно научните стандарди и државната политика, како и да се утврди институционална и политичка одговорност за објавувањето на овој учебник во 2025 година. ДУИ исто така бара да се гарантира академска неутралност во сите идни образовни материјали.