ДУИ: Нечовечки и дискриминаторски третман на 76 албански вработени во Министерството за меѓуетнички односи

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ: Нечовечки и дискриминаторски третман на 76 албански вработени во Министерството за меѓуетнички односи

28 декември 2025

• од Станча Јаќимовски

Демократската унија за интеграција (ДУИ) најостро го осуди, како што наведува, нечовечкиот, понижувачки и дискриминаторски третман на 76 вработени во Министерството за меѓуетнички односи, сите припадници на албанската заедница. Според партијата, вработените биле повикани на работа и сместени во канцеларии без основни услови за човечко и професионално функционирање.

Во соопштението се наведува дека десетици жени и мажи биле затворени во само три канцеларии, без столчиња, работни маси, компјутери и без какви било работни задачи. Принудени да стојат од 08:00 до 16:00 часот, ваквиот третман, според ДУИ, претставува отворена форма на институционален мобинг и психолошка тортура.

Особено загрижувачки, како што се истакнува, е фактот што дел од вработените за да го издржат работниот ден биле принудени да седат на под и да носат ќебиња од дома. Овој чин, според ДУИ, претставува „државен срам“ кој го нарушува човечкото достоинство и е во спротивност со законските, моралните и европските стандарди.

Дополнителна тежина на случајот, според партијата, дава и реакцијата по објавувањето на снимките од ваквите услови. Наместо институционална одговорност, тие биле, како што се наведува, злоупотребени за јавен морален линч, при што премиерот јавно ги обвинил вработените за „аморалитет“.

„Станува збор за Албанки – мајки, сестри и сопруги – кои најпрво беа понижени од сопствената држава, а потоа и јавно нападнати од првиот човек на Владата“, наведуваат од ДУИ, оценувајќи дека е премината црвена линија која не смее да се оправдува или релативизира.

Партијата реагира и на, како што велат, обидите одговорноста да се префрли врз ДУИ, нагласувајќи дека станува збор за државни службеници за кои државата има обврска да обезбеди достоинствени услови за работа и третман.

ДУИ бара премиерот веднаш јавно да им се извини на вработените, на нивните семејства и на целата албанска заедница, поради навредливиот јазик и, како што велат, легитимирањето на практика што потсетува на најмрачните форми на институционална дискриминација.

Воедно, партијата бара целосна политичка и административна одговорност за овој случај, итен прекин на нечовечкиот третман и враќање на нормални и достоинствени услови за работа.

„Државните институции не смеат да станат простори за колективно казнување по етничка основа. Човечкото достоинство не е привилегија, туку основно право“, порачуваат од ДУИ.