ДУИ: Меџити и Стоилковиќ тргуваат со интересите на Албанците преку просрпска политика

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ: Меџити и Стоилковиќ тргуваат со интересите на Албанците преку просрпска политика

18 август 2025

• од Станча Јаќимовски

Секој нов ден носи нов удар за коалицијата ВЛЕН. Членови, активисти и цели структури јавно се дистанцираат и си заминуваат, оставајќи зад себе еден вештачки, празен и дискредитиран политички проект. Само во последните денови, организации од три општини јавно се откажаа од овој политички субјект. Ова, според ДУИ, е јасен доказ дека Албанците не можат да се водат со лаги и дека политиката градена врз лични интереси секогаш завршува со неуспех.

„ВЛЕН е приватен бизнис на Меџити“

Во соопштението се наведува дека Меџити и неговиот тесен круг партијата без оформени структури ја претвориле во приватен бизнис, без идеи и без визија. „Оние кои вчера веруваа дека ВЛЕН ќе донесе промени, денес ја гледаат вистинската слика на алчноста, поделбите и трговијата со албанските интереси,“ стои во реакцијата.

ДУИ нагласува дека Албанците знаат да ја казнат политиката што ги потценува. „ВЛЕН е неуспешен политички експеримент на Мицкоски, а граѓаните тоа веќе го сфатија,“ се додава во соопштението.

Обвинувања за пропаганда и поделби

ДУИ обвинува дека Меџити се обидува да ја сокрие „катастрофата“ со празни изјави и напади, преку „просрпската пропаганда на неговиот пријател Стоилковиќ“. Според соопштението, самиот Стоилковиќ признал дека во неколку наврати го спасил Меџити од „јавен срам“. Сепак, се вели дека Албанците веќе не го слушаат и ја знаат вистината.

„Бесëлидја останува обединета сила“

Во соопштението се потенцира дека додека ВЛЕН се распаѓа пред очите на јавноста, Бесëлидја – Националната алијанса за интеграција останува силна и ги држи Албанците обединети. „Ова е вистинската политичка сила што секојдневно расте и која ќе го води албанскиот народ напред, обединет и достоинствен,“ истакнува ДУИ.

Повикување на одговорност

ДУИ потсетува дека наближува октомври, за кој велат дека ќе биде „месец на политичка и правна одговорност“. „Народот на референдум ќе ја изрече казната,“ се заклучува во соопштението.