ДУИ: Кога во Владата има слабо и потчинето претставување како „ВЛЕН“, антиалбанските сили се охрабруваат

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ: Кога во Владата има слабо и потчинето претставување како „ВЛЕН“, антиалбанските сили се охрабруваат

12 март 2026

• од Станча Јаќимовски

Демократската унија за интеграција (ДУИ) оценува дека последните изјави на претседателот на Уставниот суд не се изолиран инцидент, туку директна последица на политичката клима што е создадена во земјата.

Според партијата, кога во Владата постои слабо, контролирано и потчинето претставување како коалицијата „ВЛЕН“, тогаш антиалбанските сили се чувствуваат охрабрени и зајакнати. Од ДУИ велат дека денес се појавуваат изјави и постапки кои порано дури ни не се осмелувале јавно да се изговорат.

Наместо да ги бранат уставните права и достигнувањата од Охридскиот рамковен договор, претставниците на „ВЛЕН“ во Владата, според ДУИ, избрале молк и сервилност. Таквата тишина, велат од партијата, се толкува како дозвола за напади врз албанскиот јазик, релативизирање на еднаквоста и поткопување на темелите на мултиетничката држава.

Од ДУИ нагласуваат дека албанскиот јазик и правата на Албанците не се прашања за кои може да се преговара или да се релативизираат. Тие, како што наведуваат, се уставно загарантирани права и дел од политичкиот поредок што ја обезбедува стабилноста и соживотот во државата.

Затоа, одговорноста за создадената политичка клима, според ДУИ, не паѓа само врз оние што даваат антиалбански изјави, туку и врз оние кои, иако се на власт, избираат да молчат и да не ги бранат овие принципи.

ДУИ порачува дека ќе продолжи политички да реагира и да делува во одбрана на еднаквоста, Охридскиот рамковен договор и мултиетничкиот карактер на државата.