ДУИ: Албанците нема да дозволат државата да стане инструмент на антиевропска агенда

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ: Албанците нема да дозволат државата да стане инструмент на антиевропска агенда

02 јуни 2025

• од Станча Јаќимовски

Во најновото соопштение, Демократската унија за интеграција (ДУИ) остро реагира на, како што велат, јасно координирана и организирана антиевропска агенда во регионот, која има за цел рушење на демократскиот поредок на Балканот и блокирање на процесот на европска интеграција.

„Станува збор за добро организиран проект, политички, медиумски и финансиски поддржан од антиевропски сили, потпомогнати од моќни проруско и прокинески центри, со цел изолација на регионот и негово претворање во зона под влијание на источни автократии“, стои во соопштението на ДУИ.

Партијата посочува дека во оваа опасна стратегија, за жал, активно учествуваат и одредени албански фракции во актуелната власт, кои ги нарекуваат „васали избрани и контролирани од Мицкоски преку Обвинителството“, со цел прикривање на криминалните афери кои ги следат.

„Овие ‘албански партнери’, неспособни и корумпирани, не можат да бидат легитимна заштита за еден толку опасен, антиалбански и антиевропски проект“, наведува ДУИ.

ДУИ порачува јасно: „Албанците никогаш нема да дозволат државата да стане сојузник на Додик и инструмент за саботажа на Брисел во регионот. Нема да прифатиме да бидеме заложници на агенда која ја демонтира еднаквоста, демократијата и европската перспектива на нашата држава.“