Доживотна суспензија за фудбалерите-тепачи од Слупчане

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Доживотна суспензија за фудбалерите-тепачи од Слупчане

29 октомври 2025

• од Станча Јаќимовски

Фудбалската федерација на Македонија (ФФМ) донесе драстична одлука по инцидентот што се случи по натпреварот меѓу Беса Слупчане и Аеродром, одигран во рамки на 8. коло од Третата лига – Север. Двајца фудбалери на домашниот тим, Орхан Демири (32) и Ердин Арифи (18), добија доживотна суспензија поради физички напад и обид за линч на противнички играч по завршувањето на мечот.

Санкции за клубот

Покрај индивидуалните казни, ФФМ одлучи да го суспендира домашниот терен на ФК Беса во Слупчане на 10 натпревари. Клубот, исто така, ќе треба да плати парична казна согласно Дисциплинскиот правилник.

Од ФФМ потенцираат дека насилството на фудбалските терени нема да се толерира и најавуваат дека ќе продолжат со строга примена на дисциплинските прописи.

„Фудбалската федерација на Македонија најостро го осудува секој облик на насилство на фудбалските терени и ќе продолжи со доследна примена на сите дисциплински прописи, со цел заштита на интегритетот на натпреварите и безбедноста на сите учесници во фудбалот. Ставот на ФФМ е јасен и недвосмислен: во фудбалот нема место, ниту милост за оние што се подготвени да тепаат, линчуваат и го нарушуваат угледот на фудбалот“, стои во соопштението на Федерацијата.

Инцидент по поразот

Инцидентот се случил веднаш по завршувањето на натпреварот, во кој Аеродром славел со 2:1 на гостувањето во Слупчане. Според информациите од Министерството за внатрешни работи, двајцата напаѓачи биле приведени по инцидентот.

Со оваа одлука, ФФМ испрати јасна порака дека нема да има толеранција кон насилството и дека спортскиот дух и фер-плејот мора да бидат основа на секое натпреварување.