Докторка уапсена со поткуп од 100 евра во болница во Битола

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Докторка уапсена со поткуп од 100 евра во болница во Битола

17 јули 2025

• од Станча Јаќимовски

Основното јавно обвинителство Битола покрена постапка против докторка офталмолог вработена во Клиничката болница „Д-р Трифун Пановски“, под сомнение за кривично дело примање поткуп, согласно член 357 став 6 од Кривичниот законик.

Според официјалното соопштение од обвинителството, докторката побарала паричен надомест од 100 евра од жител на Ресен, со цел да изврши операција за отстранување на катаракта кај неговата сопруга. Интервенцијата спаѓа во рамки на јавните здравствени услуги и требало да биде извршена бесплатно, без дополнителни трошоци за пациентите.

Настанот се случил на 16 јули, кога докторката го повикала пријавителот во одделението за офталмологија, каде што требало да ја прими договорената сума и да ја закаже операцијата. Но, парите што ѝ биле предадени биле претходно обележани, во соработка со Министерството за внатрешни работи.

Веднаш по примопредавањето на поткупот, бил извршен претрес, при што обележаната банкнота од 100 евра била пронајдена кај осомничената докторка.

Обвинителството, земајќи ги предвид сериозноста на делото и околностите, побарало од Основниот суд во Битола да ѝ се изрече мерка куќен притвор на осомничената.

Истрагата продолжува, а јавноста очекува од институциите да обезбедат целосна транспарентност и санкционирање на злоупотребите во здравствениот систем.