Додека Тетово се празни, Општината се шири – уште една зграда за администрацијата

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Додека Тетово се празни, Општината се шири – уште една зграда за администрацијата

02 август 2025

• од Станча Јаќимовски

Советот на Општина Тетово на својата 54-та седница изгласа измена и дополнување на буџетот, со што тој ќе се зголеми за околу три милиони евра. Средствата се обезбедени од т.н. „унгарски кредит“ – финансиски пакет што е наменет за капитални инвестиции во општините низ државата.

Меѓу проектите кои ќе се реализираат со овие средства, тетовскиот градоначалник Биљал Касами најави изградба на нова општинска зграда. Таа ќе се изгради веднаш до постојната општинска зграда, на местото каде што се наоѓаа бараките на општинската инспекција. Според Касами, новата зграда е дел од „развојната програма“ на општината и претставува еден од „поголемите проекти“.

„Се планира и завршување на булеварот ‘Видое Смилевски-Бато’ до крајната дестинација, односно до влезот на селото Порој. Предвидени се и делови од патна инфраструктура во селата Џепчиште и Голема Речица“, изјави Касами.

Изградбата на втора општинска зграда се оправдува со порастот на вработените во општинската администрација. Од 66 вработени во 2005 година, денес бројката достигнува речиси 300. Ако се додадат и другите служби, како Територијалната противпожарна единица, вкупниот број вработени во Општина Тетово изнесува околу 400.

Парадоксално, додека бројот на вработени се зголемува, бројот на жители бележи благ пад. Според пописните податоци, Тетово во 2002 година имало 86.580 жители, додека во 2021 година бројката е намалена на 84.770, што претставува пад од околу два процента.

На истата седница, Советот ја поддржа и изградбата на Меморијален парк во кругот на Клиничката болница, во знак на сеќавање на жртвите од трагичниот пожар во модуларната болница. Проектот е заедничка иницијатива на Општината, Министерството за здравство и семејствата на починатите.

Дополнително, советниците донесоа одлуки за прифаќање на донации, доделување финансиска помош за поединци и проширување на урбанистичко-планската документација со цел вклопување на бесправните објекти.

Новата општинска зграда, со сета контроверзност околу нејзината потреба и значење, останува најголемиот проект што ќе се реализира со унгарскиот кредит во Тетово.