Денеска се празнува Преподобен Висарион

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Денеска се празнува Преподобен Висарион

19 јуни 2025

• од Станча Јаќимовски

На денешен ден, православната црква го празнува споменот на Преподобен Висарион, еден од најголемите подвижници и чудотворци на Источната Црква.

Висарион е роден и воспитан во Египет, земјата која дала многу светители и пустински отци. Од најрана возраст се предал на духовен живот, со ретка чистота и непоколеблива вера. Од моментот кога го прими Светото Крштение, не ја извалка духовната одежда и остана верен на заветот што го даде пред Бога.

Во потрага по духовно совршенство, Преподобен Висарион ги посетил големите духовни авторитети на своето време – свети Герасим Јордански и свети Исидор Пелусиот. Нивните поуки и благодат го охрабриле да го зацврсти подвигот во пост и молитва. Тој строго го победувал телото со пост, непрестајни бденија и целосно откажување од удобностите на светот, сето тоа без желба да се истакне или да добие пофалба од луѓето.

Еден од највпечатливите моменти од неговиот живот е сведоштвото дека четириесет дена непрекинато стоел на молитва – без да јаде, без да спие, без да се одмори. Тој бил вистински ангел во тело.

Неговиот живот не бил врзан за едно место – Преподобен Висарион немал постојано живеалиште, туку талкал низ шуми и долини, сè до длабока старост. Сепак, каде и да одел, оставал трага на Божја милост. Исцелувал болни, извршувал чуда, и сето тоа не за своја слава, туку за полза на луѓето и во прослава на Бога.

Се упокоил мирно во 466 година, оставајќи зад себе светол пример на подвиг, смирение и љубов кон Бога и луѓето. Преподобен Висарион останува вечно жив во паметењето на Црквата како сведоштво дека светоста е достижна за секој кој искрено се предава на Бога.

Нека неговиот живот биде поттик и инспирација за сите нас!