Данела Арсовска: Дивоградбите во Чаир се средство за перење пари – државниот буџет оштетен за 225 милиони евра

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Данела Арсовска: Дивоградбите во Чаир се средство за перење пари – државниот буџет оштетен за 225 милиони евра

17 јули 2025

• од Станча Јаќимовски

Градоначалничката на Скопје, Данела Арсовска, во интервју за „Слободен печат“ изнесе сериозни обвинувања поврзани со дивоградбите во општина Чаир, нарекувајќи ги дел од организиран криминал, фалсификати и масовно перење пари во износ од 225 милиони евра. Според неа, овие средства се украдени директно од државниот буџет.

Арсовска смета дека дивоградбите не се само урбанистички проблем, туку длабоко вкоренет криминален систем кој функционира со заштита зависно од политичката припадност на сторителите. Таа подвлече дека државата мора да покаже сила и да спроведе истраги врз основа на институционални документи и докази што таа, како што вели, ги поседува.

По неодамнешниот напад во Чаир, Арсовска доби полициско обезбедување, но истакна дека вистинската безбедност не доаѓа само од физичка заштита, туку од системска пресметка со криминалот. „Причината за небезбедноста мора да се отстрани, а не да се штити криминалот според политичката боја“, рече таа.

Во однос на наводите на министерот за внатрешни работи, Панче Тошковски, дека не ги пријавувала нападите, Арсовска категорично ги демантираше. Таа појасни дека одбива да ги потпише полициските записници бидејќи во нив, како што тврди, се внесени невистинити податоци.

Арсовска најави дека и по завршување на нејзиниот мандат ќе продолжи да се занимава со темата на урбан криминал, но надвор од политиката, бидејќи, според неа, „темелите на владеењето на правото се сериозно разнишани“.

„Мило ми е што по три и пол години АНБ направи проценка дека ми треба обезбедување. Но, вистинската заштита е вистината и судски процес против одговорните. Само така ќе покажеме дека имаме држава, а не територија каде политичката припадност одредува кој има право, а кој е граѓанин од втор ред“, заклучи Арсовска.