Д-р Лазаров алармира: Отровите од „Дрисла“ се таложат во црниот дроб и масното ткиво

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Д-р Лазаров алармира: Отровите од „Дрисла“ се таложат во црниот дроб и масното ткиво

13 септември 2025

• од Станча Јаќимовски

Продолженото енормно загадување на воздухот во Скопје, предизвикано од пожарот на депонијата „Дрисла“, повторно ја отвори темата за сериозните последици врз здравјето на луѓето. Доктор Ненад Лазаров, преку објава на социјалните мрежи, посочи на конкретните отрови кои се ослободуваат при вакви пожари и нивното долгорочно влијание.

Канцерогени и токсични материи во воздухот

„Освен акутниот ефект од чадот, главната опасност кога ќе се запали депонија во близина на населено место е ослободувањето на диоксини, фурани и тешки метали, како што се олово и кадмиум, кои се канцерогени, мутагени и исклучително токсични за здравјето на луѓето“, пишува д-р Лазаров.

Овие материи, вели тој, навлегуваат преку воздухот и потоа се таложат во масните ткива и црниот дроб. Последиците можат да бидат сериозни: акутни и долготрајни респираторни, невролошки и ендокринолошки нарушувања. Особено изложени на ризик се децата, постарите и хронично болните лица, а посебно ранлива категорија се трудниците.

Долготрајно загадување и акумулација

Голем проблем претставува продолжениот ефект и по завршувањето на пожарот. Овие соединенија се хемиски стабилни, отпорни на разградување и имаат способност да се акумулираат долготрајно и во животната средина и во човечкиот организам. Тоа значи дека опасноста не завршува со гаснењето на огнот, туку продолжува со месеци, па дури и години.

Како да се заштитиме?

Докторот потсетува дека една од мерките за лична заштита е користење на специјални маски. „KN95 маските се измислени за ова“, додава тој, алудирајќи дека стандардните хируршки или памучни маски не обезбедуваат доволна заштита од овие микроотрови.