македонија12 февруари 2024 ЦУК: Во последното деноноќие вкупно 1.823 повици на 112, пријавени 14 пожари на отворено
Од Центарот за управување со кризи (ЦУК) известуваат дека вчера, иако заврна дожд, сепак имало пријави за дури 14 пожари на отворено кои истите се изгаснати.
Како што соопштуваат од оттаму, пожарникарите, паралелно гаснејќи пожари во населените места, гаснеле најмалку 14 евидентирани пожари на отворено, на места и со помош на локално население. Освен пожари на вегетација тие гаснеле и отпадоци, ѓубришта и запалени контејнери на отворено на територијата на државата.
Во последното деноноќие имало вкупно 1.823 повици на Единствениот број за итни случаи 112, од коишто „реални“ повици биле 46,19%, а 53,81% биле за други потреби на граѓаните што не биле итни. Кон Полиција биле упатени 48,66%, кон Итната медицинска помош 38,93%, а кон пожарникарите 5,37% од реалните повици кон 112 во ЦУК. Збирот повици што биле за комбинирано решавање од „реалните“ повици во ЦУК, 7,05% со другите 53,81% што се именувани како „неитни повици“, биле вкупно 1.002 на број и биле предмет на примање, селективна обработка во ЦУК, а и на директно координирање за нивно решавање со други институции од Системот за управување со кризи, согласно природата на пријавените итни случаи, се наведува во соопштението на ЦУК.