Четворица повредени во пожарот во Трубаревo

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Четворица повредени во пожарот во Трубаревo

14 септември 2025

• од Станча Јаќимовски

Четири лица се повредени во големиот пожар што повеќе од 15 часа беснееше во рециклаторниот центар на компанијата „Ф-Групација“ во скопското село Трубарево. Како што соопшти владината портпаролка Марија Митева на денешната прес-конференција, пожарот, кој избувна вчера околу 13:30 часот, утринава конечно е ставен под целосна контрола.

Како започна пожарот

Според официјалните информации, огнената стихија започнала во штала која служела за складирање на отпадна електрична и електронска опрема, вклучително и батерии и акумулатори. Поради лесно запалливите материјали, пламенот брзо се проширил кон околните објекти, предизвикувајќи густ црн чад кој ја прекри целата скопска котлина и предизвика вознемиреност кај населението.

Повредени и здравствена состојба

За состојбата на повредените граѓани повеќе детали ќе соопшти министерот за здравство Азир Алиу, кој за денеска во 13 часот најави прес-конференција.

Спречена поголема катастрофа

Директорот на Дирекцијата за заштита и спасување, Стојанче Ангелов, потврди дека со големи напори е спречено ширењето на огнот кон погони каде што се складирала отпадна пластика. Според него, навремената интервенција спречила сценарио со далеку потешки последици.

Истрага и мерења на воздухот

Паралелно со гаснењето, Јавното обвинителство започна истрага за причините и последиците од пожарот. Веднаш била ангажирана Единицата за атомска, биолошка и хемиска одбрана на Армијата, која извршила мерења за евентуална токсична контаминација на воздухот. Првичните резултати се доставени до обвинител, а се очекуваат и анализи од Министерството за животна средина.

Обезбедување на локацијата

Обвинителството најави обезбедување на целата документација на „Ф-Групација“. Воедно, потенцираше дека поради небезбедни услови, увид на лице место во опожарениот објект засега не е можен. Локацијата останува под полициско обезбедување.