Четворица обвинети признаа вина во случајот „Штекли“, судењето продолжува во септември

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Четворица обвинети признаа вина во случајот „Штекли“, судењето продолжува во септември

07 август 2025

• од Станча Јаќимовски

На денешното рочиште за случајот „Штекли“, поврзан со организирана трговија со дрога во скопската населба Аеродром, четворица обвинети – Данчо Масев, Димитар Трајков, Владимир Веселиновски и Бранислав Зајков – го признаа делото за кое се товарат. Поради тоа, судот донесе одлука за раздвојување на кривичната постапка во однос на нив.

Случајот добива дополнителна комплексност поради психијатриската состојба на обвинетиот Раде Трајковски, познат и по надимакот Штекли. На денешното рочиште, судијата Илија Трпков соопшти дека одбраната на Трајковски доставила вештачење во кое се наведува дека тој страда од психичко растројство со шизофрени карактеристики, има халуцинации и параноидни идеи, и не е во можност да ја следи постапката.

Од друга страна, Обвинителството приложи сопствено психијатриско вештачење во кое се тврди дека Трајковски е апсихотичен и целосно способен да учествува во судската расправа.

Судот најави дека на наредното рочиште, закажано за 3 септември, ќе бидат повикани вештите лица од двете страни за да ги соочат своите мислења. По тоа, ќе се одлучи на кое од вештачењата ќе му се поклони верба, или пак ќе се наложи изработка на ново психијатриско вештачење доколку има потреба.

Обвинението, поднесено од Обвинителството за гонење на организиран криминал, опфаќа вкупно 10 лица, како резултат на речиси едногодишна истрага. Првично биле опфатени 16 лица, од кои седум веќе склучиле спогодби со Обвинителството и добиле затворски казни од три до три и пол години.

Според истрагата, групата функционирала како организирана криминална мрежа со строго поделени улоги – од набавка, преку складирање, до улична продажба на кокаин и марихуана. Дрогата се чувала во изнајмени станови, а се продавала по цени од 4.500 до 6.000 денари за грам кокаин и 200 до 300 денари за грам марихуана. Комуникацијата меѓу членовите на групата се одвивала преку апликацијата Snapchat, а клучните докази биле прибавени со помош на системот „Cellebrite“ за анализа на мобилни телефони, кој претставува донација од Соединетите Американски Држави.