Бугарското МНР: Додека помагаме на терен, од Скопје стигнуваат навреди и омаловажувања

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бугарското МНР: Додека помагаме на терен, од Скопје стигнуваат навреди и омаловажувања

10 јули 2025

• од Станча Јаќимовски

Министерството за надворешни работи на Република Бугарија излезе со официјална реакција откако бугарскиот амбасадор во Скопје беше повикан на разговор во македонското Министерство за надворешни работи и надворешна трговија. Причината беше употребата на придавката „северномакедонски“ во врска со премиерот на Република Северна Македонија, Христијан Мицкоски.

Според бугарската страна, изненадува повикот на амбасадорот, особено во контекст на, како што наведуваат, серија непријателски пораки и дејствија од страна на властите во Скопје во изминатите месеци. Амбасадорот изразил сериозна загриженост за, како што е наведено, манипулативни и навредливи изјави на високи функционери од македонската влада, насочени не само кон Бугарија, туку и кон Европската унија.

Министерството ја осуди употребата на навредлив и неприфатлив јазик од страна на премиерот Мицкоски кон бугарскиот министер за надворешни работи. Според нив, ваквите изјави се спротивни на основните норми на дипломатскиот и политички дијалог, како и на принципите на добрососедство, кои официјално ги промовира Република Северна Македонија, но, како што оценуваат, во пракса ги прекршува.

Во изјавата се нагласува дека квалификувањето на Бугарија како „непријателска држава“ е особено неприфатливо, особено ако се земе предвид дека бугарските институции активно и несебично помагаат, како што е случајот со пожарникарите што во моментов интервенираат во гаснењето на пожарите во Крива Паланка.

Бугарското МНР потенцира дека ваквиот говор на омраза и лични напади не придонесуваат за изградба на доверба и ги загрозуваат напорите за нормализирање на односите меѓу двете држави. Исто така, се доведува во прашање и искрената посветеност на македонското политичко раководство кон Договорот за пријателство, добрососедство и соработка од 2017 година, како и кон европската интеграција на земјата – процес што, според Бугарија, бара заемно почитување, одговорност и политичка зрелост.

Министерството јасно истакнува дека нема да толерира омраза, навреди и систематско поткопување на билатералните односи, предупредувајќи дека таквиот пристап не води кон конструктивен и достоинствен дијалог.