Бугарскиот пратеник Манол Пејков со над 30.000 евра помош тргна кон Кочани
Во трогателна едночасовна средба со г-ѓа Агнеза Поповска, амбасадор на Република Северна Македонија во Бугарија, беа изразени силни емоции и искрена благодарност за солидарноста и напорите во поддршка на семејствата погодени од трагедијата во Кочани.
Амбасадорката Поповска пренесе својата најдлабока признателност за акцијата за собирање средства, со која се вклучи голем број хумани луѓе од двете страни на границата. Таа ја истакна важноста од ваквите гестови на човечност и солидарност во моменти кога болката е најголема, и вети безрезервна поддршка во се што е потребно за да им се помогне на настраданите семејства.
„Веќе сме на пат за Кочани,“ напиша на својот Фејсбук профил Манол Пејков, кој стои зад иницијативата за собирање помош. Благодарение на неговата посветеност и хуманост, досега се собрани над 40.000 евра за жртвите од трагедијата.
Оваа иницијатива е уште еден доказ дека хуманоста не познава граници и дека вистинската поддршка доаѓа од срце. Солидарноста и сплотеноста на луѓето, како и поддршката од институциите, носат надеж и утеха во најтешките моменти.