Бугарскиот амбасадор облечен како Дедо Мраз делеше подароци на децата во Скопје

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бугарскиот амбасадор облечен како Дедо Мраз делеше подароци на децата во Скопје

19 декември 2025

• од Станча Јаќимовски

На 17 декември 2025 година, во галеријата на Бугарскиот културно-информативен центар во Скопје, традиционално се одржа свечен настан по повод претстојните Божиќни и Новогодишни празници. Настанот беше отворен од директорката на БКИЦ – Скопје, г-ѓа Антонија Велева, која ги поздрави присутните и ја истакна важноста на празничниот дух, културната соработка и детската креативност.

Во рамките на свеченоста беше претставена изложбата „Да биде светлина“, реализирана од здружението Spiritual Mirror Association / Духовно огледало и Детскиот арт центар „ВИДИМА“ од Севлиево. Изложбата опфати 43 икони и иконостас изработени од папие-маше и хартиена пластика, создадени со учество на три креативни школи и деца од различни возрасни групи. Делата ја отсликуваат детската имагинација, духовните вредности и симболиката на светлината како носител на надеж и добрина.

Празничната програма беше збогатена со настап на учениците од бугарското училиште БНУ „Здравеј“ – Академија за иновативно образование, кои преку музика, рецитации и сценски изведби ги претставија бугарските божиќни обичаи и традиции, приближувајќи ја празничната култура до публиката.

Кулминацијата на вечерта, како и секоја година, беше појавата на Дедо Мраз, кој ги израдува најмладите со подароци обезбедени со поддршка на Амбасадата на Република Бугарија во Скопје. Неговото присуство создаде дополнително празнично расположение и донесе многу радост, смеа и топлина меѓу децата.

БКИЦ – Скопје упати искрена благодарност до Амбасадата на Република Бугарија за континуираната поддршка, а особено до амбасадорот Желјазко Радуков за неговата посветеност и ангажман во улогата на Дедо Мраз, со што значајно придонесе празникот на децата да биде незаборавен и исполнет со вистински празничен дух.