Бугарски пасош: трендот не запира – како најлесно до него?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бугарски пасош: трендот не запира – како најлесно до него?

17 август 2025

• од Станча Јаќимовски

Сѐ поголем број македонски граѓани одлучуваат да побараат излез од економската неизвесност преку патот на бугарскиот пасош. Речиси секојдневно, десетици луѓе заминуваат во соседна Бугарија со цел да започнат процедура за стекнување двојно државјанство.

Делчево – рекордер по двојно државјанство

Источниот регион и особено градот Делчево предничи во бројот на извадени и поднесени барања. Според неофицијални податоци, околу 70% од жителите таму веќе имаат двојно државјанство. Посредниците, кои помагаат при собирањето на документацијата, најчесто може да се сретнат токму во овој град.

Зошто бугарски пасош?

Причината е едноставна – подобри услови за живот и можности за работа во земјите од Европската унија. Со просечна плата од 200 евра, голем дел од Македонците тешко ги задоволуваат основните потреби. Затоа бугарскиот пасош за многумина претставува „спас за парче леб“, овозможувајќи подобра егзистенција, работа во странство и сигурна иднина.

Процедурата – чекор по чекор

За да започне постапката за добивање бугарско државјанство, најпрво се закажува термин во Државната агенција за Бугарите во Чужбина. Потребно е поднесување на образец на бугарски јазик, адресиран до претседателот на агенцијата.

Основни документи:

Извод од матична книга на родени
Копија од пасош
Декларација за бугарско самосознание (заверена на нотар во Бугарија)
Документи кои докажуваат бугарски корени, ако постојат
Фотографии (пасош формат)

Ако државните експерти ја прифатат пријавата, се издава удостоверение за бугарски произход, кое се користи пред Министерството за правда.

Следна фаза: Министерство за правда

Во Министерството се поднесува молба за бугарско државјанство со сите преведени и заверени документи: извод од матична книга на родени, уверенија за неосудуваност, медицински извештај со ХИВ-тест, автобиографија и фотографии.

По предавањето на документите, се закажува интервју пред експерти од Дирекцијата за бугарско граѓанство, каде кандидатот одговара на прашања за бугарската историја, празници, национални симболи и причините за аплицирање.

Интервју и конечна одлука

Интервјуто често се закажува со неколку месеци однапред. По неговото завршување, кандидатот чека официјален одговор од Министерството за правда, кој ако е позитивен, резултира со указ за добивање бугарско државјанство потпишан од потпретседателот на Република Бугарија.

Последен чекор – лични документи

Со добивањето на државјанството започнува и постапката за лична карта и пасош. Новите граѓани добиваат и адреса на живеење, со што стануваат полноправни државјани на Република Бугарија.