Бугарски европратеник на македонски: Ќе бидете дел од ЕУ иако вашата влада не го сака тоа

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бугарски европратеник на македонски: Ќе бидете дел од ЕУ иако вашата влада не го сака тоа

29 јули 2025

• од Станча Јаќимовски

Бугарскиот европратеник Ивајло В'лчев упати силна и недвосмислена порака до граѓаните на С. Македонија, со која ја изрази својата поддршка за нивната европска иднина, независно од политичките игри на домашната елита.

„Ние во Бугарија го разбираме и го користиме современиот македонски јазик. Ги гледаме, слушаме и читаме вашите медиуми. Свесни сме како локалните политичари ја прикриваат вистината и го манипулираат сопственото општество,“ истакна В'лчев, алудирајќи на континуираните политички обиди да се прикаже Бугарија како пречка за европскиот пат на С. Македонија.

Според него, сите шпекулации што доаѓаат од страна на македонските власти се јасни и препознатливи за бугарската јавност, која активно го следи развојот на настаните во земјата.

Но, најсилната порака доаѓа на крајот:
„Вие ќе бидете дел од Европската Унија, дури и ако вашата влада не го сака тоа.“

Со ова, В'лчев упати јасен сигнал дека европската перспектива на С. Македонија не зависи само од политичките одлуки на нејзините лидери, туку и од желбата и заложбата на нејзините граѓани.

Оваа изјава доаѓа во чувствителен момент, кога процесот на евроинтеграции е повторно тема на жестоки дебати, а довербата во институциите опаѓа. Во ваков контекст, ваквите пораки од европски претставници добиваат дополнителна тежина, особено кога се насочени директно кон граѓаните – без посредници и политички филтри.