Бугарски академик: Бугарите во Македонија се жртви на институционален апартхајд

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бугарски академик: Бугарите во Македонија се жртви на институционален апартхајд

17 јули 2025

• од Станча Јаќимовски

Во интервју за Trud.bg, доцент д-р Спас Ташев од Институтот за население и човекови студии при БАН излезе со остра и длабоко аргументирана анализа за ситуацијата со Бугарите во Северна Македонија. Според него, бројката од 3.504 Бугари што ја соопшти Државниот завод за статистика на РСМ во пописот од 2021 година не само што е нереална, туку и резултат на „системска дискриминација и административен апартхајд“.

„Во време кога над 216.000 граѓани родени во Северна Македонија добиле бугарски пасош на основа на потекло, да се тврди дека Бугарите се само 3.504 – тоа е навреда за вистината и за историјата,“ изјави Ташев.

Тој укажа на сериозни методолошки проблеми во спроведувањето на пописот, посочувајќи дека само Бугарите биле принудени да приложат докази за нивната етничка определба, што е во спротивност со стандардите на ОН и Евростат.

„Зошто не реагираше официјална Софија? Зошто молчеше пред ваквата неправда? Турција, на пример, отворено не го призна пописот,“ истакна тој.

Според него, голема грешка е бројот на Бугарите да се изедначува со бројот на добиени пасоши, бидејќи илјадници луѓе со бугарско потекло не поседуваат документи – „не затоа што не постојат, туку затоа што се уништени или изгубени во услови кога самоидентификацијата како Бугарин значела опасност по живот.“

Академикот Ташев потсетува и на историјата:

„Македонија до 1912 година била не само дел од османлиското царство, туку и официјално призната како територија на бугарскиот православен народ – булгар ортодокс миллет. Тоа е државна позиција на тогашниот суверен!“

Со емотивен и остар тон, Ташев ја осуди политиката и на Скопје и на Софија, кои, според него, се однесуваат идентично – бараат од Бугарите доказ дека се Бугари.