Бугарија со нова загриженост за исполнувањето на обврските на Македонија кон ЕУ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бугарија со нова загриженост за исполнувањето на обврските на Македонија кон ЕУ

03 септември 2025

• од Станча Јаќимовски

Бугарија повторно ја изрази својата загриженост за, како што вели, „континуираното неисполнување на обврските на Република Северна Македонија кон Европската Унија“.

Писмо до европските колеги

Министерот за надворешни работи на Бугарија, Георг Георгиев, испратил писмо до министрите за надворешни работи на земјите-членки на ЕУ и европските институции, во кое предупредува дека Македонија прави обиди „да компромитира важни елементи од европскиот консензус“.

Во документот, Георгиев нагласува дека договорениот пакет од јули 2022 година останува единствениот можен пат напред за Македонија и дека Бугарија очекува сите преземени обврски да се исполнат со добра волја.

„Наместо конструктивен дијалог и добрососедски односи, забележуваме политика на конфронтација, провокации и повлекување од обврските, вклучително и оспорување на клучните договори пред Уставниот суд во Скопје“, наведува министерот.

Позицијата на Софија

Бугарската страна останува на ставот дека најдобро решение за иднината на регионот е интеграцијата на сите земји од Западен Балкан во Европската Унија. При тоа, Софија потенцира дека е подготвена да му помогне на Скопје во реформскиот процес, но само доколку членството во Унијата е искрен избор на македонската влада.