Бугарија распиша тендер за последната делница од Коридор 8 до С. Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бугарија распиша тендер за последната делница од Коридор 8 до С. Македонија

28 јули 2025

• од Станча Јаќимовски

Бугарија го објави тендерот за изградба на последните 2,4 километри од железничката линија што води од Ѓуешево до границата со Северна Македонија, со што се комплетира нејзиниот дел од железничкиот Коридор 8. Според соопштението на бугарското Министерство за транспорт и врски, објавена е и јавна набавка за модернизација на делницата Софија – Радомир.

Вкупната вредност на тендерите изнесува над 576 милиони лева, односно приближно 288 милиони евра, а рокот за реализација е 2029 година.

Националната компанија за железничка инфраструктура (НКЖИ) објави дека тендерот ги опфаќа проектирањето и изградбата на новата пруга во должина од 2,4 км, како и целосна реконструкција на железничката станица Ѓуешево. Станицата ќе биде трансформирана во гранична патничка и товарна станица, прилагодена за Шенген-зоната.

Особено е потенцирано дека последните 420 метри од трасата се третираат како посебна тендерска ставка. Нивната изградба ќе започне дури по завршувањето на прекуграничниот тунел, со цел да не се попречи работата на тешката механизација вклучена во тунелирањето. Вредноста на овој проектен сегмент изнесува 114 милиони лева (околу 57 милиони евра), а се очекува изградбата да заврши до крајот на 2028 година, со исклучок на споменатите 420 метри.

На крајот од јуни, бугарскиот министер за транспорт Гроздан Караџов и неговиот македонски колега Александар Николоски се согласија за заедничко темпо во изградбата на тунелот и забрзување на административните постапки. Министерството информира дека Македонија неодамна одговорила на бугарскиот нацрт-договор доставен во јануари, а Софија нема забелешки на измените. Се очекува наскоро да се договорат околу датумот за потпишување на конечниот договор.

Оваа иницијатива претставува значаен чекор кон реализација на железничкиот Коридор 8, кој има големо стратешко значење за поврзување на Адриатикот со Црното Море преку Северна Македонија, Бугарија и Албанија.