Бујар Османи: „Чаир нема време за губење – првите 60 дена ќе бидат денови на ред и надеж“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бујар Османи: „Чаир нема време за губење – првите 60 дена ќе бидат денови на ред и надеж“

18 септември 2025

• од Гоце Кически

Кандидатот за градоначалник на општина Чаир, Бујар Османи, ја претстави својата визија за општината со порака дека промените ќе започнат веднаш, уште од првиот ден доколку ја добие довербата на граѓаните.

„Чаир нема време за губење. Од првиот ден ќе прогласам кризна состојба за нечистотија, дивоградби и корупција,“ изјави Османи, нагласувајќи дека првите два месеца ќе бидат клучни за враќање на редот и довербата во институциите.

Тој најави масовна акција за чистење во која ќе бидат вклучени приватни компании, активисти и млади луѓе, како и формирање ново јавно комунално претпријатие со 120 хигиеничари. Османи го презентираше и проектот „Улици без дупки“ со кој во првите 60 дена ќе се санираат сите ризични улични оштетувања и ќе се обнови сообраќајната сигнализација.

Во својата програма тој предвиде и формирање кризен штаб за дивоградби, кој, како што рече, нема да дозволи ниту педа да се изгради надвор од законот. Паралелно, ќе биде спроведена независна финансиска ревизија за да се стави крај на фиктивни договори, партиски злоупотреби и расфрлање со јавни пари.

„Првите 60 дена нема да бидат продолжение на хаосот, туку 60 дена на ред, работа и надеж. Не ветувам чуда, ветувам работа,“ порача Османи, истакнувајќи дека неговиот приоритет ќе биде враќањето на функционалноста и редот во општината.