БТА: Белгија размислува да испрати затвореници во Северна Македонија поради пренатрупаност на затворите

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

БТА: Белгија размислува да испрати затвореници во Северна Македонија поради пренатрупаност на затворите

02 март 2026

• од Станча Јаќимовски

Белгиските власти го прошируваат списокот на земји во кои би можеле да префрлат дел од затворениците со цел да се справат со сериозната пренатрупаност на затворските установи, јавуваат медиумите повикувајќи се на Бугарската телеграфска агенција (БТА).

По прелиминарните разговори со Албанија и Косово, белгиските власти ја прошириле листата на потенцијални партнери. На неа сега се наоѓаат и Северна Македонија, Естонија, Босна и Херцеговина, Србија, Црна Гора и Литванија.

Според официјалните податоци, повеќе од 600 затвореници во Белгија спијат на под поради недостиг на простор. Вкупниот број на затворени лица изнесува околу 13.000, иако капацитетот на затворите е предвиден за 11.000 лица. Од нив, приближно 4.400 се лица со нерегуларен престој во земјата.

Белгиската влада разгледува можност за склучување договори за трансфер на затвореници само доколку бидат гарантирани пристојни услови и целосно почитување на човековите права. Во извештаите се наведуваат и потенцијални предизвици во одредени земји, вклучително и недостиг на основни услови, проблеми со греењето и ограничено време за престој надвор од ќелиите.

Министерката за азил и миграција, Анлин Ван Босујт, во интервју за Еуроњуз во Брисел изјави дека Белгија ја разгледува „секоја можна опција“, вклучително и изнајмување затворски капацитети во странство за странски државјани осудени за кривични дела.

Таа неодамна ги посетила Албанија и Косово со цел да ги испита можностите за соработка во оваа област, како дел од пошироките напори на белгиската влада за справување со структурните проблеми во затворскиот систем.