Бочварски: После 4 години локална власт – ВМРО-ДПМНЕ не исполни ништо од ветеното

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бочварски: После 4 години локална власт – ВМРО-ДПМНЕ не исполни ништо од ветеното

07 август 2025

• од Станча Јаќимовски

Во своето гостување во емисијата „Вести плус“ на Канал 5, пратеникот од редовите на СДСМ, Благој Бочварски, упати сериозни критики кон актуелната локална и централна власт предводена од ВМРО-ДПМНЕ, обвинувајќи ја за неисполнување на ветувањата дадени на граѓаните во изминатите четири години.

Бочварски истакна дека во сите негови средби со граѓаните, тие изразуваат чувство на разочараност и измама поради тоа што, како што рече, големите ветувања на ВМРО-ДПМНЕ останале само на хартија.

„Низ сите контакти со граѓаните, тие велат дека апсолутно се чувствуваат измамени од она што беше ветувано од страна на ВМРО-ДПМНЕ. Големите ветувања не се исполнети,“ рече Бочварски.

Тој посебно ја посочи ситуацијата во Скопје и останатите општини каде ВМРО-ДПМНЕ има локална власт од 2021 година. Според него, клучни проекти како воведување на нови електрични автобуси, подобрување на јавниот превоз и унапредување на условите за живот не се реализирани.

„Дали граѓаните добија нови електрични автобуси? Дали се подобрија условите за живот во Скопје? Во другите општини? Не. Тоа се резултатите на ова ВМРО-ДПМНЕ. Имаат градоначалник, имаат мнозинство, одговорноста е нивна“, потенцираше Бочварски.

Според него, граѓаните сè повеќе ја препознаваат неуспешноста на актуелната власт, што резултира со растечко разочарување.

Бочварски најави дека СДСМ веќе активно работи на терен и дека наскоро ќе излезе пред јавноста со имињата на своите кандидати за градоначалници и советници. Тој вети дека тие ќе бидат квалитетни кадри кои ќе ја претставуваат визијата на СДСМ и ќе понудат реални, изводливи и конкретни проекти.

„Ќе се претставиме со кадри кои ќе ја презентираат визијата на СДСМ и проектите што ќе бидат превземени и реализирани“, заклучи Бочварски.