Битиќи: Семејства со двајца вработени не можат да покријат основни трошоци

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Битиќи: Семејства со двајца вработени не можат да покријат основни трошоци

12 август 2025

• од Станча Јаќимовски

Вредноста на синдикалната потрошувачка кошница бележи континуиран раст и во јули достигна рекордни 65.328 денари, предупреди пратеникот на СДСМ, Фатмир Битиќи, на денешната прес-конференција.

Според него, од март до јули оваа година, трошоците за синдикалната кошница се зголемиле за 3.473 денари – од 61.855 денари во март, на 63.908 во мај, 64.698 во јуни, па сè до јулскиот рекорд. „Тоа е зголемување за само четири месеци поголемо од една и пол минимална плата“, нагласи Битиќи.

Во исто време, просечната нето-плата пораснала многу побавно – од 44.763 денари во март на 45.796 денари во мај, што е зголемување од само 1.033 денари за три месеци. „Јазот меѓу приходите и трошоците драматично се продлабочува“, рече пратеникот.

Битиќи истакна дека ваквата состојба директно го урива животниот стандард на граѓаните. „Двајца вработени со минимална плата од 24.379 денари во едно семејство, и пак нема да имаат доволно средства за месечните трошоци. Денес, за да се покрие синдикалната кошница од јули, потребни се речиси 2,7 минимални плати. Тоа значи дека дури и семејства со двајца вработени не можат да обезбедат пристоен живот,“ предупреди тој.

Тој апелираше дека без реален раст на приходите, куповната моќ на граѓаните ќе продолжи да опаѓа, а економската несигурност да се зголемува.