Бајрам Реџепи: Кај нас нема да поминува донација од Србија за црква во Тетово

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бајрам Реџепи: Кај нас нема да поминува донација од Србија за црква во Тетово

12 октомври 2025

• од Станча Јаќимовски

Кандидатот за градоначалник на Општина Тетово, Бајрам Реџепи, остро реагираше по приемот на донацијата од Владата на Србија, која беше прифатена од актуелниот градоначалник Билал Касами. Реџепи ја поврза оваа ситуација со фудбалскиот натпревар меѓу Србија и Албанија, испраќајќи порака со силен политички тон.

„Додека го следев натпреварот Србија–Албанија, не можев да не помислам на ‘донацијата’ од Србија. Изгледа нивната политика не се менува! Секогаш сакаат да го уфрлат топчето во нашата мрежа – на секое поле! Но со нас ова НЕ ПОМИНУВА!“, напиша Реџепи.

Овој коментар предизвика големо внимание во јавноста, особено поради тоа што донацијата од Србија веќе беше предмет на бројни критики. Многу граѓани и аналитичари го оценија потегот на Касами како политички ризичен, со оглед на чувствителноста на односите меѓу албанската заедница и Србија.

Реџепи, кој се натпреварува за градоначалничкото место на претстојните локални избори, го нарече овој потег „уште еден автогол во политиката“, нагласувајќи дека „односите со субјекти кои никогаш не ги почитувале правата на Албанците не може да се маскираат како помош“.

Со својата изјава „Со нас ова не поминува“, Реџепи испрати јасна порака дека, доколку ја добие довербата на граѓаните на 19 октомври, ќе има поинаков пристап кон ваквите меѓудржавни иницијативи и симболични гестови.