Арсовска до Мицкоски: Биди како Рама – руши ги дивоградбите во Чаир!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Арсовска до Мицкоски: Биди како Рама – руши ги дивоградбите во Чаир!

22 октомври 2025

• од Станча Јаќимовски

Градоначалничката на Скопје, Данела Арсовска, утрово преку објава на Фејсбук му се обрати на премиерот Христијан Мицкоски, охрабрувајќи го да покаже лидерство и да постапи како албанскиот премиер Еди Рама – со решителност да ги урне дивоградбите во Чаир.

„Два месеца молчев, сега зборувам“

Арсовска откри дека во изминатите два месеца „молчела“, бидејќи, како што тврди, Мицкоски заедно со градоначалникот на Аеродром, Тимчо Муцунски, оделе по амбасадите и се жалеле дека таа со објавувањето на криминалот со дивоградбите во Чаир ја загрозува коалицијата со Влен.

„Со месеци, заедно со твоето ‘дипломатче’, плачевте по целиот дипломатски кор дека имаш проблем со коалицискиот партнер поради Чаир. Демек, јас, една жена, ви правам многу проблеми“, напиша Арсовска.

Обвинувања за политички хаос и партиски интереси

Таа го обвини Мицкоски дека со своите кадри свесно го креира хаосот во градот, особено околу проблемот со ѓубрето, за кој, како што вели, „ќе го решеле за 72 часа“.

„Нормално дека лесно ќе го решите проблемот што сами го создадовте. Знаеш колку пати 72 часа поминаа во овие четири години?“, му порача Арсовска.

Според неа, партиските структури на власта реагираат експресно кога станува збор за пријави од нивни членови, но молчат кога таа укажува на криминал во Чаир:

„Финансова полиција и МВР по твоја нарачка експресно упаѓаат по институции два дена откако ќе пријави твој партиски другар. А јас шест месеци пријавувам и чекам заеднички да одиме во Чаир и да ти го покажам криминалот.“

Повик за решителност: „Биди лидер како Еди Рама“

Откако нивниот коалициски партнер Влен го доби Чаир, Арсовска го повика Мицкоски да покаже лидерство и да почне со рушење на дивоградбите:

„Сега кога коалицискиот ти победи во Чаир, ајде биди и ти лидер како Еди Рама – сруши сè што не е безбедно за скопјани. Или на Изет уште не смееш да му писнеш?“, порача градоначалничката.

Политички контекст

Објавата на Арсовска доаѓа во момент на зголемени тензии меѓу неа и владејачката коалиција, особено по серијата меѓусебни обвинувања околу управувањето со градот, јавната хигиена и дивоградбите. Нејзината порака наиде на големо внимание на социјалните мрежи, а јавноста очекува реакција од страна на премиерот и надлежните институции.