Алиу: Здравствените податоци да бидат на мобилен, не во ќеси по ординации

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Алиу: Здравствените податоци да бидат на мобилен, не во ќеси по ординации

09 ноември 2025

• од Станча Јаќимовски

Современото здравство не се гради само со згради и апарати, туку со податоци, интеграција и дигитална инфраструктура – порача министерот за здравство Азир Алиу на отворањето на Саемот за медицина, стоматологија и фармација – Health Innovation Expo 2025, што се одржува во Скопје.

Алиу истакна дека дигитализацијата поставува темели на здравствен систем кој учи, предвидува и реагира навреме, со што се создава здравство кое не чека појава на проблем, туку ги спречува навремено. Тој нагласи дека податоците треба да се движат со пациентот, а не обратно, овозможувајќи лекарите да располагаат со целосна и точна здравствена историја, додека пациентите ќе имаат целосен увид и контрола врз сопствените податоци.

„Ова е модел по кој работи целиот свет – здравствена инфраструктура која делува, а не само реагира“, рече министерот. Според него, дигитализацијата не е услуга, туку основа која обезбедува еднакво и достоинствено здравство за сите граѓани.

Алиу додаде дека новите технологии не се грижат само за пациентите, туку и за здравствените работници, овозможувајќи развој на телемедицина и следење на хронични болести во реално време. Употребата на дигитални протоколи, вештачка интелигенција и алгоритми ќе помогне во навремено откривање на здравствени ризици.

„Со дигитализацијата ќе имаме помалку чекање, помалку непотребни хоспитализации и повеќе грижа и достоинство за пациентите“, нагласи министерот Алиу. Тој најави дека Министерството ќе продолжи со интеграција на сите здравствени установи и сервиси во државата и воспоставување национално електронско здравствено досие за секој граѓанин.