Али Синани назначен за нов директор на Националната галерија на С. Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Али Синани назначен за нов директор на Националната галерија на С. Македонија

17 јули 2025

• од Станча Јаќимовски

Уметникот Али Синани е именуван за нов директор на Националната галерија на Северна Македонија (НГСМ), објави институцијата преку својата официјална страница на Фејсбук. Тој доаѓа на местото на досегашната в.д. директорка Маја Неделковска-Брзанова и ќе раководи со галеријата во наредните четири години.

„По огласот за директор кој беше распишан пред скоро три месеци, за директор на Националната галерија на РС Македонија, со мандат од четири години, на 9 јули 2025 година е избран и именуван д-р Али Синани,“ соопшти НГСМ.

Али Синани е роден во 1977 година во Гостивар, а во последните 25 години живее и работи во Швајцарија. Тој дипломирал на Факултетот за ликовни уметности во Скопје во 2002 година, на педагошкиот оддел – сликарска насока, во класата на професор Рубенс Корубин. Магистратурата ја завршил на истиот факултет во 2009 година, под менторство на д-р Антони Мазневски.

Неговата уметничка и педагошка кариера се одвива главно во Швајцарија, каде од 2000 година живее и работи. Во градот Сент Гален води сопствено уметничко студио „Студио Арте“, каде што одржува предавања и работилници. Во 2012 година започнал докторски студии во Нови Пазар, Србија. Неговиот меѓународен ангажман вклучува и учество на значајни изложби, меѓу кои и претставувањето на Швајцарија на интернационалната изложба „Сон и реалност“ во музејот Лувр во Париз во 2018 година.

Новото раководство на Националната галерија, со Синани на чело, се очекува да внесе свежа визија и интернационално искуство во развојот на македонската ликовна сцена.