Алармантни податоци: Над 500 деца во земјата претрпеле сексуално насилство

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Алармантни податоци: Над 500 деца во земјата претрпеле сексуално насилство

19 ноември 2025

• од Станча Јаќимовски

Над 508 деца во нашата земја доживеале некаква форма на сексуално насилство или вознемирување, според случаите евидентирани во Министерството за внатрешни работи. Во европски рамки, секоe петто дете е жртва на сексуално насилство. Најчесто, сторителот е личност која детето ја познава или на која ѝ верува.

Овие податоци беа презентирани на започнувањето на националната кампања „1 од 5 – Стоп за сексуалното насилство врз деца“, чија цел е подигање на јавната свест и зајакнување на механизмите за заштита.

Загрижувачки бројки и потреба од итна акција

Најголем дел од случаите во земјата се однесуваат на силување на деца под 15-годишна возраст.

„Од овие случаи, 186 се силувања на деца под 15 години, што е навистина загрижувачко. Овие податоци ја потврдуваат неопходноста од систематска акција и превентивни мерки“, беше истакнато за време на претставувањето на кампањата.

Заменичката на Народниот правобранител нагласи дека ова е аларм за целото општество, потсетувајќи дека заштитата на децата не е само законска обврска, туку и прашање на човечко достоинство, совест и одговорност.

„Децата жртви на насилство се соочуваат со двојни трауми – од самото насилство и од често нечувствителниот институционален одговор. Потребни се подобри протоколи, постапки што се прилагодени на децата и цврста соработка меѓу сите надлежни институции“, истакна таа.

Се бара посилна општествена поддршка

Според Марција Палота, претставничка на Делегацијата на ЕУ во Северна Македонија, непријатна, но реална е вистината дека злоупотребите се случуваат почесто отколку што сме подготвени да признаеме.

„Прво, превенцијата функционира. Кога децата ги знаат своите права, а возрасните знаат како да реагираат, злоупотребата е потешко да се прикрие и полесно да се спречи. Второ, никој од нас не може да се справи со ова сам. Потребни се обучени професионалци и посветено општество кое секогаш ќе застане на страната на децата“, истакна Палота.

Целта – опкружување во кое децата се безбедни

Барбара Лигл, раководителка на компонентата за темелни права и човекови права, нагласи дека кампањата има за цел да ја зголеми свесноста кај децата за нивните права.

„Главната цел е создавање средина во која детските права ќе бидат целосно заштитени, промовирани и каде што ќе се поттикнува развојот на потенцијалот на секое дете“, рече Лигл.

Статистички преглед

Од вкупно 508 случаи на сексуално насилство и вознемирување врз деца:

99 деца (15–17 години) биле жртви на сексуални напади и силување,
44 деца биле присилени да гледаат сексуални акти,
30 деца биле сексуално вознемирувани,
18 деца биле изложени на порнографски материјал од возрасни,
24 случаи се поврзани со производство и дистрибуција на детска порнографија.