Јакимовски: Наместо со идеи, власта излезе со вреќи брашно

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Јакимовски: Наместо со идеи, власта излезе со вреќи брашно

20 октомври 2025

• од Станча Јаќимовски

Кандидатот за градоначалник на Општина Карпош, Стевчо Јакимовски, остро реагираше по денешните случувања во населбата Злокуќани, каде, како што вели, претставници на власта наместо со програма и визија, на терен излегле со вреќи брашно како средство за предизборен поткуп.

„Денес сведочевме на слика која нè враќа триесет години наназад. Наместо со идеи, визија и програма – тие излегоа со вреќи брашно,“ стои во соопштението од Јакимовски.

Според него, од гаражи и куќи се делеле вреќи од по триесет килограми брашно, што, како што посочува, е понижувачко за граѓаните и јасен показател за недостаток на вистински резултати и дела.

„Кога нема резултати, кога нема дела – останува само брашното,“ додава тој, упатувајќи прашање до премиерот дали ова е визијата што власта им ја нуди на инженерите, професорите, лекарите, пензионерите и домаќините.

Јакимовски нагласува дека граѓаните на Карпош не се купуваат, туку се почитуваат, потенцирајќи дека неговата програма е насочена кон реални проекти и инфраструктурни решенија.

„Ние не делиме брашно – ние градиме водоводи, канализации, улици, фасади, училишта и градинки,“ порача тој.

Во завршницата на соопштението, Јакимовски оцени дека ваквите потези на власта претставуваат навреда за здравиот разум и достоинството на граѓаните.

„Нема брашно што може да ја купи совеста на Карпошанец! Срамота е да ја враќате Македонија во 90-тите години. Карпош одамна замина напред,“ порача Јакимовски.