Денес 4 февруари 2026 година се празнува: Светиот апостол Тимотеј

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денес 4 февруари 2026 година се празнува: Светиот апостол Тимотеј

04 февруари 2026

• од Станча Јаќимовски

Денес се празнува Светиот апостол Тимотеј, еден од седумдесетмината апостоли и една од најзначајните личности на раното христијанство. Роден во Листра Ликаониска, од татко Грк и мајка Еврејка, Тимотеј уште од најрана возраст бил воспитуван во верата. Неговата мајка и баба се спомнуваат со пофалба од Свети апостол Павле за нивната искрена и нелицемерна вера (2 Тим. 1, 4–5).

Првата средба на Тимотеј со апостол Павле се случила во Листра, каде што бил сведок на чудесното исцеление на човек куцоног од раѓање. Од тој момент започнало нивното длабоко духовно пријателство. Тимотеј станал речиси постојан сопатник на Павле, учествувајќи во мисионерските патувања низ Ахаја, Македонија, Италија и Шпанија.

Како ревносен проповедник, извонреден беседник и благодушен пастир, Тимотеј дал огромен придонес во ширењето на христијанската вера. Павле со особена љубов го нарекува „вистински син во верата“ (2 Тим. 1–2), сведочејќи за довербата и духовната зрелост на својот ученик.

По маченичката смрт на апостол Павле, Тимотеј духовно се водел од Свети Јован Богослов. Кога, пак, царот Дометијан го прогонал Јован и го испратил во прогонство на Патмос, Тимотеј ја презел епископската служба во Ефес.

Неговото земно служење завршило маченички. За време на еден идолски празник, познат како Катагогиум, разјарени незнабошци, под маски, подмолно го нападнале и го убиле Свети Тимотеј, околу 93 година. Подоцна, неговите чесни мошти биле пренесени во Цариград, каде што биле погребани во црквата на Светите апостоли, покрај гробовите на светиот евангелист Лука и светиот Андреј Првоповикан.

Светиот апостол Тимотеј останува траен пример за верност, смирение и пожртвуваност во служењето на Христовата Црква.