Денес 4 април 2026 година се слави Лазарова сабота

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денес 4 април 2026 година се слави Лазарова сабота – Што се прави на овој ден?

04 април 2026

• од Станча Јаќимовски

Денес православните верници ја одбележуваат Лазарова сабота – значаен христијански празник кој секогаш се паѓа еден ден пред Цветници и осум дена пред најголемиот празник, Велигден.

Овој празник е посветен на чудото кога Исус Христос го воскреснал Лазар од Витанија четири дена по неговата смрт. Според верувањата, Лазар потоа живеел уште 30 години, а ова чудо се случило шест дена пред Христовото страдање и распнување.

Традиции и обичаи

Еден од најубавите обичаи поврзани со Лазарова сабота е учеството на девојчињата – познати како „лазарки“. Облечени во бели, често невестински фустанчиња, тие одат од куќа до куќа и пеат лазарски песни, посакувајќи здравје, среќа и бериќет.

Овој обичај е особено застапен во повеќе градови и села низ Македонија и претставува симбол на младоста, плодноста и новиот живот.

Лазаринки – симболика и значење

Според старите традиции, во пресрет на празникот, домаќинките подготвуваат специјални благи колачи – т.н. „лазаринки“. Овие колачиња по својата форма го симболизираат упокоениот Лазар.

Наутро, тие се носат во црква, каде што се осветуваат за време на литургијата, а потоа се делат меѓу верниците како благослов и знак на заедништво.

Именден и празнување

На овој ден именден слават сите што го носат името Лазар, Лазе, но и имиња поврзани со природата и растенијата, како Цветан, Цвета, Калина, Јагода и други.

Иако Лазарова сабота и Цветници се одбележуваат како два одделни празника, тие се длабоко поврзани, па затоа и имендените често се слават заедно.

Лазарова сабота е ден што носи силна духовна порака за верата, надежта и воскресението, но и ден кога се негуваат богатите народни традиции кои се пренесуваат од генерација на генерација.