САД планираат проверка на социјалните мрежи на туристите пет години наназад

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

САД планираат проверка на социјалните мрежи на туристите пет години наназад

11 декември 2025

• од Станча Јаќимовски

САД разгледуваат воведување ново правило кое ќе ги обврзе странските туристи од десетици земји да обезбедат податоци за своите профили на социјалните мрежи за последните пет години како услов за влез во земјата. Предлогот, поднесен од Митничката и гранична служба и Министерството за внатрешна безбедност во Федералниот регистар, беше објавен од Би-би-си.

Мерката ќе ги опфати граѓаните од околу 40 држави – меѓу кои и Обединетото Кралство, Ирска, Франција, Австралија и Јапонија – кои во моментов можат да патуваат во САД до 90 дена без виза преку електронскиот систем ESTA.

Иако моменталната апликација бара ограничени лични податоци и такса од 40 долари, новиот план предвидува значително проширување на обврските за апликантите. Од нив ќе се бараат телефонски броеви за последните пет години, адреси на електронска пошта за последната деценија, како и дополнителни информации за членовите на нивното семејство.

Според насоките, службениците ќе треба да идентификуваат лица „кои се застапуваат за, помагаат или поддржуваат одредени странски терористи или други закани по националната безбедност; или кои извршуваат незаконски антисемитски вознемирувања или насилства“.

Како дел од пошироките напори за заострување на граничните политики, официјални лица најавуваат дека постојната забрана за патување, која засега 19 земји од Африка, Блискиот Исток и Карибите, може дополнително да се прошири. Ова следи по инцидентот во Вашингтон, каде двајца припадници на Националната гарда беа застрелани, а како осомничен беше посочен авганистански државјанин.

Предлогот претставува дел од стратегијата на администрацијата на Доналд Трамп за зајакнување на граничната контрола по неговото враќање во Белата куќа во јануари, повикувајќи се на националната безбедност. Во документот се цитира извршна наредба насочена кон спречување на закани од странски терористи. Слични барања веќе важат за студентски и работни визи.

Меѓутоа, критичарите предупредуваат дека мерката може сериозно да ги наруши дигиталните права и приватноста на патниците. Организацијата Electronic Frontier Foundation оцени дека овој пристап дополнително ќе ја еродира приватноста, додека имиграциските адвокати предвидуваат можни доцнења при обработката на ESTA-апликациите.

Предлогот доаѓа во период кога во САД се очекува раст на меѓународните посети поради претстојното Светско првенство во фудбал и Летните олимписки игри во 2028 година. Сепак, анализи укажуваат дека политиките имплементирани во мандатот на Трамп веќе имаат негативен ефект врз туристичкиот сектор. Светскиот совет за патувања и туризам предвидува пад на трошоците на странските посетители во 2025 година, при што канадските туристи бележат тренд на намалување десет месеци по ред.